سپورٹ موجود ہے
اگر آپ یا آپ کے کوئی عزیز برٹش کولمبیا میں نسل پرستی کا شکار ہوئے ہیں یا آپ نے کوئی واقعہ دیکھا ہے تو مدد دستیاب ہے۔
ایک تربیت یافتہ پیشہ ور سے بات کرنے کیلئے نسل پرستی کے واقعات کی ہیلپ لائن پر کال کریں جو آپ کی کمیونٹی میں آپ کیلئے دستیاب وسائل کو نیویگیٹ کرنے میں آپ کی مدد کرے گا۔
سوموار سے جمعہ تک روزانہ صبح 9:00 بجے سے شام 5:00 بجے (PT) تک ۔
یہ خدمت مفت، با اعتماد اور 240 سے زیادہ زبانوں میں دستیاب ہے۔
نسل پرستی کے واقعات کی ہیلپ لائن کا مقصد ہنگامی خدمات کا نعم البدل نہیں ہے۔ اگر آپ فوری بحران یا خطرے سے دوچار ہیں تو 911 پر کال کریں۔
نسل پرستی کا واقعہ کیا ہے؟
اس وسیلے کے مقاصد کیلئے ، نسل پرستی کا کوئی واقعہ زبانی یا جسمانی جارحیت، خدمات سے انکار، غنڈہ گردی، دھمکی یا امتیازی سلوک ہے جو کسی شخص کی جلد کی رنگت اوریا اس کے نسلی/ ثقافتی پس منظر کی بنیاد پر ہوتا ہے۔
کال کب کرنی چاہئے۔
اگر آپ نسل پرستی کے کسی واقعے کا شکار ہوئے ہیں یا آپ نے کوئی واقعہ دیکھا ہے تو ہیلپ لائن پر کال کریں – چاہے اس کو کتنا ہی عرصہ ہوا ہو۔
ہیلپ لائن پر سوموار سے جمعہ تک صبح 9 بجے سے شام 5 بجے (PT) تک رابطہ ہوسکتا ہے۔ یہ خدمت برٹش کولمبیا کے تمام افراد کیلئے دستیاب ہے چاہے وہ امیگریشن کی کسی بھی حیثیت کے حامل ہوں ۔
نسل پرستانہ واقعات کی ہیلپ لائن ہنگامی کالوں کیلئے نہیں ہے۔ اگر آپ فوری بحران یا خطرے سے دوچار ہوں ، تو براہ کرم 911 پر کال کریں۔
دفتری اوقات کے بعد کی کالز
اگر آپ فوری بحران یا خطرے سے دوچار ہوں ، تو براہ کرم 911 پر کال کریں۔
اگر آپ کو دفتری اوقات سے باہر غیر ہنگامی مدد کی ضرورت ہے، تو براہ کرم ایک میسیج چھوڑیں اور ہم آپ سے اگلے کاروباری دن رابطہ کریں گے۔
واضح رہے کہ ہم معلومات کی خفیہ نوعیت اور رازداری کے خدشات کی وجہ سے صوتی پیغامات نہیں چھوڑتے ہیں، لیکن اگر آپ ہمیں کوئی پیغام دیتے ہیں، تو ہم آپ سے چند بار رابطہ کرنے کی کوشش کریں گے۔ اگر آپ سے ہمارا رابطہ نہ ہو سکے تو براہ کرم موقع ملنے پر رابطہ کریں۔
اگر آپ فوری بحران یا خطرے سے دوچار ہوں ، تو براہ کرم 911 پر کال کریں۔
اگر آپ کو دفتری اوقات سے باہر غیر ہنگامی مدد کی ضرورت ہے، تو براہ کرم ایک میسیج چھوڑیں اور ہم آپ سے اگلے کاروباری دن رابطہ کریں گے۔
واضح رہے کہ ہم معلومات کی خفیہ نوعیت اور رازداری کے خدشات کی وجہ سے صوتی پیغامات نہیں چھوڑتے ہیں، لیکن اگر آپ ہمیں کوئی پیغام دیتے ہیں، تو ہم آپ سے چند بار رابطہ کرنے کی کوشش کریں گے۔ اگر آپ سے ہمارا رابطہ نہ ہو سکے تو براہ کرم موقع ملنے پر رابطہ کریں۔
آپ کے کال کرنے کے بعد کیا ہوگا
جب آپ 1-833-457-5463 ڈائل کرینگے ، تو آپ براہ راست عملے کے کسی ایسے رکن سے رابطہ ہوگا جو ٹراما ریسپانس اور ثقافتی حساسیت میں تربیت یافتہ ہوگا ۔
آپریٹر یہ کچھ کر سکتا ہے:
- آپ کے ساتھ ہونے والے واقعے کے بارے میں سنے گا،
- مقامی سطح پر موجود امدادی خدمات کے بارے میں معلومات فراہم کریگا،
- آپ کے اطمینان کی سطح کی بنیاد پر آپ کو اگلے اقدامات کے بارے میں ہدایت دیگا ، اور
- آپ کی مرضی کی بنیاد پر آپ کو ایسی خدمات کا حوالہ دینگے جو آپ کی ضروریات سے بہتر طور پر موافق ہوں ۔
240 سے زیادہ زبانوں میں مدد دستیاب ہے، لہذا فون پر آنے والے شخص کو اپنی پسندیدہ زبان کے بارے میں بتائیں۔
ہم آپ سے تعاون کیلئے ہر وقت تیار ہیں۔ مدد موجود ہے۔
مفت. رازدارانہ اور ٹراما کے واقعات سے پوری طرح آگاہ ۔
کثرت سے پوچھے گئے سوالات (FAQ)
اگر آپ یا کسی اور کو فوری طور خطرے کا سامنا ہے، تو براہ کرم 9-1-1 پر کال کریں۔
معاشرے کی ہر سطح پر نسل پرستی کے واقعات آئے روز رونما ہوتے ہیں۔ جو کچھ ہوا اس کے اثرات سے گزرنے میں آپ کی مدد کرنے میں ہم معاونت اور وسائل فراہم کرنے کیلئے یہاں موجود ہیں۔
ہم یہاں کسی بھی ایسے شخص کی مدد کیلئے موجود ہیں جس نے برٹش کولمبیا میں نسل پرستانہ واقعہ کا سامنا کیا ہے یا ہوتے ہوئے دیکھا ہے کیونکہ یہ جارحانہ، پریشان کن، اذیت ناک اور کسی کو تنہا پسندی میں مبتلا کر سکتا ہے۔
ہم نسل پرستی کے واقعے کا تجربہ کرنے والے افراد کی مدد کرنے والے لوگوں کو بھی معاونت اور وسائل فراہم کرتے ہیں، کیونکہ کسی واقعے کا بلا واسطہ سامنا کرنا بھی آپ کو ذہنی طور پر متاثر کر سکتا ہے۔
اس وقت، ہیلپ لائن 1-833-457-5463پر (سرکاری تعطیلات کے علاوہ) سوموار سے جمعہ تک، پیسیفک ٹائم کے مطابق صبح 9 بجے سے شام 5 بجے تک کال کرکے دستیاب ہے۔ دفتری اوقات سے باہر کال کرنے والے ایک ریکارڈ شدہ پیغام چھوڑ کر ایک نمبر فراہم کر سکتے ہیں جس پر اگلے کاروباری دن ان کو کال بیک کیا جاسکے۔
ہم برٹش کولمبیا میں موجود کسی بھی شخص کو ٹیلی فون پر مبنی مدد فراہم کرتے ہیں۔
ہمارے کال موصول کرنے والے ابتدائی طور پر انگریزی میں جواب دیتے ہیں۔ اگر آپ کسی دوسری زبان میں بات چیت کرنا پسند کرتے ہیں، تو براہ کرم کال موصول کرنے والے کو مطلع کریں اور وہ ایک مترجم کو کال میں شامل کر دے گا جس سے یہ تین طرفہ کال ہوجائیگی۔تشریح Voyce, (زبان کی فہرست آن لائن دستیاب نہیں ہے) یا CanTalk (https://cantalk.com/our-languages/) کے ذریعے فراہم کی جاتی ہے اور یہ 240 سے زیادہ زبانوں اور بولیوں میں دستیاب ہے۔
ہمارا مشن آپ کو، آپ جہاں بھی ہیں وسائل سے جوڑنا ہے اور نسل پرستی کے واقعے کا تجربہ کرنے یا دیکھنے کے بعد آپ کی مدد کرنا ہے۔
ہم صوبہ بھر میں ایسی تنظیموں کو حوالہ جات فراہم کر سکتے ہیں جو نسل پرستی کے واقعات سے متاثر ہونے والوں کی مدد، بشمول ثقافتی طور پر محفوظ مشاورت، ہم خیال معاون گروپس، انسداد نفرت اور تنوع کی تعلیم، قانونی مدد، کمیونٹی کنکشن، اور بہت سارے دیگر معاملات میں مہارت رکھتی ہیں۔
جی ہاں، ہیلپ لائن پر کی جانے والی تمام کالیں خفیہ ہوتی ہیں۔ آپ کی رضامندی کے بغیر ذاتی معلومات کا اشتراک نہیں کیا جائے گا، سوائے ان صورتوں کے جہاں قانوناً اس کی ضرورت ہو (جیسے کہ اپنی جان کو یا دوسروں کو نقصان پہنچانے کا احتمال ہو) وغیرہ۔
ذاتی معلومات کو قانون نافذ کرنے والے اداروں کے ساتھ شیئر نہیں کی جائینگی، سوائے ان صورتوں کے جہاں قانون کے ذریعہ ایسا کرنےکی ضرورت ہو (مثلاً جہاں خود کو یا دوسروں کو نقصان پہنچانے کا احتمال) وغیرہ۔
ہیلپ لائن قانون نافذ کرنے والے اداروں سے مکمل طور پر آزاد ہے۔ اگر آپ یا کوئی اور فوری خطرے میں ہے، تو براہ کرم 9-1-1 پر کال کریں۔
اگر آپ کسی جرم کے شکار یا گواہ ہیں اور پولیس رپورٹ درج کرانا چاہتے ہیں، تو آپ کی کال موصول کرنے والا آپ کو اگلے اقدامات کے بارے میں معلومات فراہم کر سکتا ہے۔ ہیلپ لائن پر کال کرنے کے نتیجے میں خود بخود پولیس رپورٹس، انفرادی تحقیقات، کیس مینجمنٹ یا فوری مداخلت نہیں ہوتی ہے۔
اگر آپ ہمارے پاس رپورٹ درج کرواتے ہیں، تو جمع شدہ معلومات گمنام اور جامع بناکر برٹش کولمبیاکی منسٹری آف اٹارنی جنرل کے ساتھ شیئر کی جائے گی۔ آس کا مقصد یہ ہے کہ برٹش کولمبیا میں ہونے والے نسل پرستانہ واقعات کی اقسام کے بارے میں جاننے میں مدد ملے اور صوبے کے انسداد نسل پرستی کے پروگراموں، خدمات اور اقدامات کی حمایت، رہنمائی اور اضافہ ؛ اور نظامی خلاء اور مسائل کو سمجھنے میں مدد ملے تاکہ صوبہ برٹش کولمبیامیں تبدیلیوں کو نافذ کرنے کے لیے کام کیا جا سکے۔
کمیونٹیوں میںآبادی کے مخصوص گروہوں پر مبنی ایسی تنظیمیں موجود ہیں جو ان کے ساتھ کام کرنے میں مہارت رکھتی ہیں۔ آپ جو معلومات رضاکارانہ طور پر ظاہر کرتے ہیں اس سے ہمیں آپ کو ان خدمات کے حوالے کرنے میں مدد ملتی ہے جو آپ کیلئے قابل رسائی ہیں اور جو آپ کی ضروریات کے مطابق ہیں۔ اس سے ہمیں مجموعی طور پر یہ سمجھنے میں بھی مدد ملتی ہے کہ کیا ہو رہا ہے، کس کو مدد کی ضرورت ہے، اور پورے برٹش کولمبیا میں کس قسم کی مدد کی ضرورت ہے۔ آپ کی مرضی ہے کہ آپ نے کون سی معلومات کا اشتراک کرنا ہے۔ ہم ہر صورت میں آپ سے تعاون جاری رکھیں گے.
ہم اس بات کو یقینی بنانے کیلئے کمیونٹی تنظیموں کے ساتھ تعاون کرتے ہیں کہ کال کرنے والے جاری معاون خدمات تک رسائی حاصل کر سکیں، بشمول ثقافتی طور پر محفوظ مشاورت، صدمے کے متعلق معلومات رکھنے والی کیئر ورکشاپس، اور قانونی مدد۔ ہمارا مقصد آپ کو ایسی خدمات سے مربوط کرنا ہے جو آپ کی مخصوص ضروریات کے مطابق ہوں۔
خدمات فراہم کرنے والوں کیلئے معلومات
ہم صوبے بھر میں کمیونٹی کی تنظیموں، مقامی لوگوں کی زیرقیادت تنظیموں اور آبائی زمین پر آباد اقوام ، جو نسل پرستی کے واقعات سے متاثرہ افراد کی مدد کرنے میں مہارت رکھتے ہیں ،کو مدعو کرتے ہیں کہ وہ اس پروگرام اور اس کے مواقع کے بارے میں مزید جاننے کیلئے یونائیٹڈ وے بی. سیی. کی ویب سائٹ ملاحظہ کریں۔
Helpline Information and Opportunitiesنسل پرستی کے واقعات کی ہیلپ لائن کے بارے میں
نسل پرستی کے واقعات کی ہیلپ لائن ایک ثقافتی طور پر محفوظ اور ٹراما سے گزرنے والوں کے حالات سے باعلم وسیلہ ہے ان لوگوں کیلئے جو نسل پرستی کے واقعے کا شکار ہوئے ہیں یا ایسے کسی واقعے کے عینی شاہد ہیں، لیکن جو پولیس کو اس کی اطلاع دینا نہیں چاہتے یا یہ نہیں جانتے کہ پولیس کو کیسے مطلع کریں۔ ہیلپ لائن اس بات کو یقینی بناتی ہے کہ ہر کوئی اپنی ضرورت کے مطابق معلومات اور مدد تک رسائی حاصل کر سکتا ہے۔
کالز کا جواب تربیت یافتہ پیشہ ور افراد دیتے ہیں جو آپ کو سنیں گے اور صوبہ بھر کی کمیونٹی کی تنظیموں کے بارے میں معلومات اور حوالہ جات فراہم کریں گے جو نسل پرستی کے واقعات کی حمایت کے ساتھ ساتھ انسداد نسل پرستی، تنوع، مساوات اور شمولیت کو فروغ دینے میں مہارت رکھتی ہیں۔
نسل پرستی کے واقعات کی ہیلپ لائن سے جمع کیے گئے گمنام ڈیٹا کو برٹش کولمبیا کی حکومت سے جمع کردہ دوسری معلومات بصیرت کے ساتھ استعمال کیا جائے گا تاکہ صوبے کے انسداد نسل پرستی پروگراموں، خدمات اور اقدامات کی حمایت، رہنمائی کو بڑھایا جائے ۔
نسل پرستی کے واقعات کی ہیلپ لائن کو یونائیٹڈ وے برٹش کولمبیا کے ساتھ شراکت اور نگرانی میں، اٹارنی جنرل کی وزارت کی کثیر الثقافتی اور انسداد نسل پرستی برانچ نے تیار کیا تھا اور پوری برٹش کولمبیا میں مخصوص کمیونٹی تنظیموں کے ساتھ مل کر کام کرتا ہے۔
صوبے بھر میں کمیونٹیز کی خدمت میں ہماری مدد کریں۔
یہ فارم صرف اظہار رائے کیلئے ہے۔ اگر آپ کسی اسپیشلسٹ سے نسل پرستی کے واقعے کے بارے میں بات کرنا چاہتے ہیں یا معاون خدمات سے مستفید ہونا چاہتے ہیں، تو پر کال کریں۔ 1-833-HLP-LINE (1-833-457-5463)